إعلان الرئيسية العرض كامل

19 نكتة مضحكة حول فيروس كورونا كوفيد 19


 19 نكتة مضحكة حول فيروس كورونا المستجد كوفيد 19
 

هذه نكت كورونا، نكت مضحكة جدا حول فيروس كورونا

هذه نكت كورونا، نكت مضحكة جدا حول فيروس كورونا هذه نكت كورونا، نكت مضحكة جدا حول فيروس كورونا هذه نكت كورونا، نكت مضحكة جدا حول فيروس كورونا
هذه نكت كورونا، نكت مضحكة جدا حول فيروس كورونا

 مع وصول فيروس كرونا للوطن العربي بانت بزاف ردود الأفعال على هاد الفيروس فمواقع التواصل الاجتماعي، ومن ضمن هاد ردود أفعال شاعت بزاف منشورات ساخرة ونكت مضحكة على هاد الوافد الجديد والخطير، وبعد تطبيق الحجر الصحي، استمر هاد الأمر فظل الأوضاع الأليمة للي كيعيشها العالم.
     وبقاو رواد هاد المواقع  كاينشروها ويتناقلوها على سبيل التفواج وكسر حبل الملل، فتحولت المصيبة عند البعض إلى نكتة، والمأساة إلى ملهات، والحجر إلى  صبر وقهر للقهر.
   وبالتالي عملت بزاف دالمستملحات (الإيجابية) فتقوية الصبر وكسر الملل، والتقليل من الخوف.
وهادي بعض النكت المضحكة فزمن كرونا وللي بعضها منتاشرا فمواقع التواصل الاجتماعي وتم التعديل عليها، ونكت أخرى هي حصرية من عندنا.
  إن وجدتموها ممتعة فقوموا بمشاركتها مع أصدقائكم باش يفوجو حتا هما
ـــــــــــ
 1.هذا واحد من كترت كايغسل يديه خوفا من الإصابة بفيروس كورونا المستجد رقم 19، تمحاو ليه يديه، وهو يرسمهوم بستيلو.



  2.هدا بوشتة ديما متبع أخبار كرونا دقيقة بدقيقة ساعة بساعة دار بدار زنكة زنكة سولو باه وقاليه دبا كاين بزاف أنواع كرونا، علاش غير كوفيد 19 للي نتشر فالعالم دغيا، قاليه حيت هو للي نجح فيهوم  وجاب النقطة الأولى.



 3.تاجر سمع بلي ارتداء الكمامة ولا اجباري وهو يشريها بسطاش ريال، من بعد شافوه الناس خليها فعنقو وهضرو معاه يلبسها، ومداهاش فيهوم واحد جبد البورطابل بغا يسوني، وهو يفهم راسو وخيطها معا وجهو.



  4.هدا واحد الولد سميتو الخلافة مكايحملش ياكل الخبز بارد(كارم)، ومعا كرونا تفرض عليه ياكل الخبز كارم، وملي عزيزة عليه الماكلة بالخبز وبالمعلقة لا، ولا كيجيه الخبز كارم بحال الحلوى والفقاس وداكشي، واحد النهار دق عليهوم واحد وقال شي خبزات كارمين الله يرحم الوالدين، خرج بجرا الخلافة وعطاه 10 دراهم وقاليه، راك طلبتيها كبيرة أعمي، رحنا دبا فزمان كرونا وإلى كان النفط هو الذهب الأسود فراه طاح التمن ديالو فالسوق، إلا الخبز الكارم راه طلع وولا هو العملة الصعبة.



  5.واحد الأستاذ سول التلاميذ فاطار الدراسة عن بعد فمجموعة دالوتساب، أش كتعني كوفيد 19 جاوب واحد وقاليه كوفيد كلمة تتكون من 5 حروف ويعني كل حرف منها ما يلي: (ك) هي كل (و) هو واحد (ف) هو فينا (ي) هو يجلس (د) هي فدارو (19) هي 19 ليوم، قاليه حسن جدا زائد نقطة فالنشاط العلمي، قاليه علاش غي  نقطة وحدا راه انشتاين وميعرفش يحل هادي، قاليه حيت بقالك من 19 وتوصل أجل حالة الطوارئ للي هي 20 غي نهار وهي نقطة للي بقات فزهرك.



  6.فاق عباس أستاذ اللغة العربية من النعاس، ودخل على زوجته بالكوزينة وقال لها يا أيتها المرأة، إنه مع حظر التجوال في زمن الكورونا، أصبح الأزواج أسرى عند النساء، فأحسنوا معاملة أسراكم طبقا لما تنص عليه اتفاقية جنيف، وحضري لي مائدة ملآى بالفطور بما لذ وطاب من العصائر والحلائب والحلويات والمسمن والبغرير إلخ إلخ إلخ.



   7.المسلسلات المقبلة في رمضان، كمامتي حبيبتي، كرونستا الخائنة، أين كمامتي؟ العطسة الحقيرة، كرونة سيري فحالك.



   8.هدا واحد بغا يساعد الناس فهاد الأزمة، وهو يقبل التحدي ونشر تصورتو معا صاحبو فالزنقة.



   9.وحدا سولات الطبيب، شنو هي فوائد كرونا، قالها هادوك للي كانوا يهربو الفلوس لأروبا مغايقدروش يهربوهم دبا، غيبقاو حدانا.



   10.  هدا الخلافة مشا الحانوت من بعد جا وسلم على دارهم ومن بعد جا عند خوه بغا يسلم، وقالي حبس المرقة، وقرا عليه الآية: " لئن بسطت إلي يدك لتقتلني ما أنا بباسط يدي إليك لأقتلك" سير غسل يديك بالصابون والما السخون وتفضل ديكساعة وسلم على يد خوك الزوينة.



  11. عاجل، وقوع صيدلي في غيبوبة بعدما جات عندو وحدا بغات كمامة فلون صاكها.



  12.  بسبب نشر البعض للأخبار السلبية البورطابل ولا يعطس عوض يبقا يسوني.



  13.  بعد غلق صالونات التجميل، لأول مرة في التاريخ منذ عصر الديناصورات ولينا نشوفو كيفاش داير شكل الكائنات الفضائية.



  14.   بسبب غلق صالونات الحلاقة ولينا نعيشو معا الانسان البدائي فالحقيقة، من بعد ما كنا نشوفوه فكتاب التاريخ.



  15.   من ايجابيات الحجر الصحي، ان الرجال ولاو يسطاجيو باش يتعلمو يطيبو اسهل الاكلات... البيض وماطيشة.



   16.   ف ظل الركوب على الأزمات، واحد ديما يقرا فالفيسبوك عشاب لقا علاج لكرونا عشاب آخر لقا علاج لكرونا وجاه التأكيد بلي فعال فواحد الحلمة، وهو يسول مو شكون هو علاج كرونا، وهي تقوليه، راك واخدو أبوركابي، هو تبقا فالدار وتلتازم بالتدابير الوقائية.



   17. التعامل بالنقود والأوراق النقدية قد ينقل العدوى لذا ننصح أصحاب المحلات التجارية يخدمو كناش الكريدي إلى حين فوات الأزمة.



  18.     مقولات فقهية وقانونية في زمن الكرونا، 
الشك يفسر لصالح للي شاف شي واحد كيعطس حداه،
 العاطس بريئ حتى تثبت كرونيته، 
درأ كرونا بالتدابير الوقائية مقدم على احتكار الطعام في المخازن التكدسية،
 بقا فدارك شريعة المتعاقدين.



  19.  حكم وأقوال في زمن كرونا، 
أش خصك الي ديما خارج داخل، كرونا أمولاي،
 للي ما خاف من كرونا المستجد رقم 19 ما خاف من عقايبو،
 درهم وقاية من كرونا خير من خنشة زرقالاف علاج، 
خرق الحجر الصحي بلا سبب من قلة الأدب، 
للي خرجو ماتو، 
البقاء فالدار من الايمان، والخروج من الشيطان.

 بـــــــــــــقـــــــا فــــــــــدارك #